Лараме шотой! Ас даггара декъалдо шу нохчийн къоман уггар мехалчу, маь1нечу дезчу денойх цхьаъ хилла д1ах1оьттинчу Нохчийн меттан денца!
Нохчийн мотт вайна юкъахь лелар, иза кхиар шен коьртачех цхьа г1айг1а хилар хаийтар дара Нохчийн Республикан Куьйгалхочо Кадыров Рамзана 25-г1а апрель Нохчийн меттан де ду аьлла Указ арахецар.
Нохчийн мотт безар, ларбар, цуьнан сий-пусар дар — иза нохчийн г1иллакхаш, 1адаташ, оьздангалла, ламасташ, къоман истори ларъяр ду. И мотт буьйцуш, цунах дозалла деш б1ешерашкахь баьхначу къонахийн, динан дайн, къанойн сий-пусар дар ду.
Вайн мотт вай массара а ларбан, 1алашбан, кхио безаш хилар, т1екхуьучу чкъурана и хьакъдоллучу кепара 1амо а, марзбан а безаш хилар т1едожадо вайна республикан Куьйгалхочун Указо.
Дала мукъалахь, вайн ницкъ кхочург дийр ду вай ненан мотт 1алашбарехь, иза ваьшна а, т1екхуьучу чкъурана а марзбарехь а, кхид1а иза кхиорехь а.
Нохчийн меттан денца, хьоме накъостий! Дала 1алашбойла вайн дайша а, наноша а б1еннаш шерашкахь бийцина, вайга схьакховдийна болу сийлахь нохчийн мотт!
Акаев Руслан,
Шуьйта к1оштан
администрацин куьйгалхо
About Post Author
