Кхушеран чиллин беттан хьалхарчу деношкахь д1аболийра Шуьйтара коьрта маьждиг даран белхаш. Ала дашна, адам алсам далар бахьаненна хьалха хиллачу маьждигехь рузбан-ламазе х1итта меттиг готто йолуш хьал дара. Кхин цхьа бахьана а дара Шуьйтара коьрта маьждигехь джама1ат- ламазе х1итта меттиг ца тоар — луларчу к1ошташкара (Шарара а, Итон-Кхаьллара) д1асалела дукха адам нислора п1ераскан дийнахь Шуьйтахь. Иштта цу декъехь оцу маьждигца долу хьал Мехк-Дена Кадыров Рам- занна довзийтира муфтис Салахь-хьаьжас. Керла маьждиг дан д1адолош кхуза кхечира ша Салахь-хьаьжа. Шен къамелехь цо довзийтира бахархошна шена Рамзан-хьаьжас т1едиллина хилар вайн махкахь маьждигаш оьшуш йолу меттигаш таллар и г1уллакх шена т1екхачор. Муфтис бинчу хаамца республикехь кхушара дан билгалдаьккхина дара 24 маьждиг, царна йукъахь 1500 стагана лерина долу Шуьйтарниг а долуш. Иштта цу дийнахь и меле г1уллакх д1адолор дерзийра до1анца.
Тахана, гуш ма-хиллара, сихонца д1ахьош бу коьрта маьждиг даран белхаш. Строительша дийцарехь, царна оьшуш мел болу берриге г1ирс болуш бу маьждиг хьалдан.
Кхуза кест-кестта оьшуш долчунна г1о-накъосталла дан кхочу к1оштан администрации куьйгалхо Акаев Руслан.
— Тхан тхешан ницкъ кхочур бацара оццул ондда х1ара г1уллакх дан. Суна доккха баркалла ала луур дара вайн Мехк-Дена Кадыров Рамзанна шотойн лазам шена бевзича х1ара маьждиг хьаладайтарна. Иштта даггара баркалла ала дог1у Региональни йукъараллин фондан куьйгаллехь йолчу лераме Аймани Несиевнна а маьждиг деш ахчанца йолу харж шена т1елацарна. Дала мукълахь, кху эсаран баттахь пенош хьала а дина чоьхьара белхаш д1адолор ду. Х1ара шо дерзале, Делан пурбанца, жовх1ар санна хаза дина маьждиг д1ах1оттор ду.
Дела резахуьлда кхин цхьаъ Делан ц1а вайн махкахь совдак- кхарехь дашца а, г1уллакхца а къахьоьгуш мел волчунна. Дала т1аьхье беркате йойла вайн!
ЭСКИЕВ М.
About Post Author
